Чүйдө адамдын жансыз денеси табылды (фото нерви жукаларга сунушталбайт)

Чүй облусунун Молдовановка айылында азиат улутундагы адамдын жансыз денеси табылып, анын аты-жөнүн тактоого мүмкүн болбогондуктан Чүй ОИИБи элден жардам сурайт. Бул тууралуу Чүй ОИИБинин маалымат кызматынан билдиришти.

Кызматкерлер адамдын жансыз денесин 4-январда Молдовановка айылынан табышкан. Каза болгон киши болжол менен 30-35 курактагы азиат улутундагы жаран экени белгилүү болгон. Маркумдун бою 175-180 сантиметр, арыкчырай, көзү чоң күрөң түстө, оозунда сары түстөгү металлдан жасалган тиши бар.

Кийген кийимдери: футболка, майка, спорттук шым, кара түстөгү бут кийим жана баш кийими да болгон.

Өзгөчө белгилери: оң бутунун арт жагында саптуу бычактын сүрөтү тартылган татуировка, колунун манжасында 8 бурчтуу жылдызча тартылган татуировка жана сол колунда төрт кырдуу сүрөт менен ЭР тамгасы чегилген татуировкасы бар.

Каза болгон адамды таанып, көргөн билгендер болсо төмөндөгү телефон номерлери аркылуу байланышса болот.

Чүй ОИИБинин нөөмөт бөлүмү (0312) 43-01-27, (0312) 43-88-85,
Аламүдүн РИИБинин нөөмөт бөлүмү (0312) 36-35-27, (0700) 67-55-56,
Ыкчам иликтөө тобуна байланышуу (0700) 20-96-66.