Чүй ОИИББи: "Жаңы төрөлгөн баласын баштыкка салып, дивандын астына катып койгон келинге кылмыш иши козголду"

Чүй облусунун Аламүдүн районуна караштуу Восток айылында жаңы төрөлгөн баласын баштыкка салып, дивандын астына катып койгон келинге кылмыш иши козголду. Бул тууралуу бүгүн, 20-февралда Чүй ОИИББинин басма сөз кызматынан билдиришти.

"Жаңы төрөлгөн баласын баштыкка салып, дивандын астына катып койгон келинге 100-берене (эненин жаңы төрөлгөн баласын өлтүрүүсү) менен кылмыш иши козголду. Ымыркайдын өлүмүнө айыпталып жаткан келин учурда ден соолугуна байланыштуу Чүй облустук ооруканасынын төрөт бөлүмүндө дарыланып жатат", - деп билдиришти басма сөз кызматынан.

Айта кетсек, Аламүдүндө келин өзү төрөп, баланы баштыкка салып, дивандын астына катып койгондугу маалымдалган. Андан кийин ал дарыгерлерге дааратканада төрөп алдым деп билдиргендиги белгилүү болгон.