"Эркечтам" көзөмөл-өткөрүү жайынын жетекчисине жана бир катар кызмат адамдарына кылмыш иши козголду

Башкы прокуратура “Эркечтам” көзөмөл-өткөрүү жайынын жетекчисине жана Автомобиль, суу транспорту жана салмак габаритти контролдоо агенттигинин Ош облустук бөлүмүнүн кызматкерине кылмыш ишин козгоду. Бул тууралуу Башкы прокуратуранын басма сөз кызматынан билдиришти.

Маалыматка ылайык, Башкы прокуратура тарабынан Транспорт жана жолдор министирлигинин алдындагы Автомобиль, суу транспорту жана салмак габаритти контролдоо агенттигинин Ош облусунун аймагындагы мекемелери текшерүүгө алынган. Анын жүрүшүндө аталган мекеменин Ош облусундагы бөлүмүнүн жетекчисинин орун басары Д.М. жана “Эркечтам” көзөмөл-өткөрүү жайынын жетекчиси К.Ж. дагы бир нече адам өз ара сүйлөшүп алышып, 2017-жылы 651 уруксат кагаздарын жүк ташыган унаалардын айдоочуларына мыйзамсыз түрдө беришкени аныкталган.
Буга байланыштуу 305-берене (кызматтык ыйгарым укуктардан аша чабуу) жана 315-берене (кызматтык жасалмачылык) менен кылмыш иши козголгон.