Камчыбек Ташиев: “Бизди бийлик кызыктырбайт”

“Биз оппозициялык партия бойдон калабыз”,- деп билдирди “Ата Журт” партиясынын лидери Камчыбек Ташиев бүгүн, 19-июнда маалымат жыйынында. "Президент Алмазбек Атамбаев жакынкы күндөрү эле Нарын облусуна болгон иш сапарында “Ташиевди “Кумтөр” маселелери эмес, бийлик кызыктырып жатат” деген сөздөрүн айткан. Бизди бийлик кызыктырбайт. Биз башынан эле оппозициялык партия болуп келгенбиз, аягына чейин ошол бойдон калабыз. Бийликке кызыкканыбыз жок”,- деди Ташиев. “Биз эч качан өз кызыкчылыгыбызды көздөп иш кылган эмеспиз. Эгер бизге бийлик керек болсо, биз белгилүү бир кызматта иштемекпиз. Бизди “Кумтөр” маселеси гана кызыктырат. Биз эл алдында ак иштөөгө ант бергенбиз”,- деп кошумчалады Талант Мамытов.