"Ош базарындагы" өрттөн 5 миң чарчы метрден ашуун аянт күйдү

Бишкектеги "Ош базарынын" аймагында жайгашкан "Берекет" базарында 13-апрелде чыккан өрттөн болжол менен 5 миң 400 чарчы метр аянт күйдү. Бул тууралуу ӨКМнын басма сөз кызматы билдирди.

Маалыматка караганда, "Ош базарындагы" өрт кырсыгында адам өмүрүнө зыян келтирилген эмес.

"Ош базарындагы" өрт тууралуу маалымат саат 03:50 чамасында келип түшкөн. Өрт толугу менен 19:45те өчүрүлгөн. Учурда өрттүн кесепетинен келтирилген чыгымдар эсептелүүдө. Ал эми өрттүн чыгуу себеби такталууда. Жыйынтыгы чыккандан кийин гана укуктук баа берилет", - дешти басма сөз кызматынан.

Айта кетсек, кечээ, 13-апрелде "Ош базарында" чыккан өрт боюнча кылмыш иши козголгон.