Европада WhatsApp тиркемесин 16 жашка чейинки өспүрүмдөр колдоно алышпайт

Эми Европа өлкөлөрүндө 16 жашка чейинки өспүрүмдөр WhatsApp мессенжерин колдоно албайт. Бул тууралуу чет элдик басылмалар жазып чыгышты.

Маалым болгондой, жашы 16га толо элек жаштар аталган мессенжердин кызматын пайдалануу мүмкүнчүлүгүнөн ажырайт. Ал эми компания колдонуучулардын жашына чектөө киргизгенин төмөндөгүдөй түшүндүргөн.

"Буга чейин WhatsApp тиркемесиндеги топтордо сүйлөшкөн колдонуучулар тууралуу жеке маалыматтарды чогултууга мүмкүн экендиги айтылган. Мындан улам Европа биримдиги 1 айдан кийин жеке маалыматтардын купуялуулугуна тиешелүү мыйзамды жаңылайт. Ошондуктан жаш балдардын өздүгү тууралуу маалыматтардын купуя болуусун камсыз кылышыбыз керек", - деп билдирген.

Аталган чектөө май айынын аягында ишке кирет. Эгер 16 жашка чейинкилер WhatsApp`ты колдоно турган болсо, ата-энесинин уруксаты талап кылынат.

Ал эми айрым өлкөлөрдө WhatsApp мессенжерин 13 жаштан жогоркулар колдонсо болору дагы айтылат маалыматта.