Ферганада 7-класстын окуучусунун 5 айлык кош бойлуу экени аныкталып, жергиликтүү бийликтин тапшырмасы менен боюнан түшүртүшкөн

Өзбекстандын Фергана облусунда 7-класстын окуучусу 5 айлык кош бойлуу экендиги аныкталып, акушер-гинекологдор анын боюнан түшүрүшкөн. Окуя май айында болгонун Азаттыктын өзбек кызматы жазган.

Маалыматта жазылгандай, акушер-гинекологдорго жергиликтүү бийликтен тапшырма келгенден кийин алар баланы кыздын боюнан алышкан. Өспүрүмдүн кош бойлуу экендигин мугалимдери билип калышып, Бешкарык райондук инспекторго кабарлашкан. Мугалимдер окуучу кыз окууга көп келбей калгандыктан анын үйүнө барып, шарты менен таанышууга аргасыз болушкан. Райондук ички иштер бөлүмүнүн профилактика боюнча инспектору, мектеп директору жана класс жетекчиси 7-класс кызга аборт жасатуу маселесин талкуулашкан. Бирок элдин астында уят болуп калуудан чочулап бойдон түшүрүүгө тоскоолдуктарды көрсөткөн. Анткени менен акушер-гинекологдор кыз жашаган үйгө барып, ага бойдон түшүрүүчү каражаттарды беришкен. Бешкарык райондук акимчилиги буга күнөөлүүлөр мыйзам алдында жооп бере турганын билдирген.

Учурда кыздын 39 жаштагы апасы камакта жатат. Ал притон кармоого, андан тышкары төрт эркек 14 жашка чыга элек кызды зордуктоого айыпталууда. Кыздын "иретсиз" интимдик катышта болуп жүргөнү да белгилүү болгон.