Ырчы Нурмат Садыров сүрөткө чогуу түшкөн кыз тууралуу үн катты

Социалдык тармактын колдонуучуларынын бири ырчы Нурмат Садыров менен чогуу түшкөн сүрөтүн жеке баракчасына жүктөп, ырчыга сезимин билдирген. Бул тууралуу ырчыга байланышканыбызда, ал бийкеч күйөрманы экенин айтып, буларга токтолду.

"Ал кыз күйөрманым болот, аты Айтолкун. Ал эми сүрөткө менин туулган күнүмдө түшкөнбүз. Туулган күнүмдө "сизге белегим бар, кабыл алып коюңузчу" деп суранган. Аны менен жолукканымда "сүрөткө дагы түшүп коёлучу, суранам" дегенинен түшүп койгом. Ал кыздын сүрөттөрдү жарыялап жиберерин кайдан билиптирмин. Айтолкундан тышкары 4-5 күйөрманым менен жолугуп, сүрөткө түшкөм. Алар сүрөттөрдү жарыялаган жок.

Баса белгилеп айта кетейин, Айтолкун карындашым экөөбүздүн ортобузда сүйүү мамилеси жок. Андай болушу дагы мүмкүн эмес. Менимче, ал кыз мени менен чогуу түшкөн сүрөтү аркылуу өзүнө пиар жасап жатса керек", - дейт ырчы.