Чемпиондор Лигасынын чейрек финалында кайсы клуб ким менен ойной турганын аныктаган чүчү кулактын жыйынтыгы жарыяланып кетти

УЕФАнын директору интернет айдыңына Чемпиондор Лигасынын чейрек финалында ойной турган клубдарга ташталган чүчү кулактын жыйынтыгын чыгарып алды. Интернет тармагында бул көрүнүш кызуу талкууланууда. Белгилей кетсек, чүчү кулак ыргытуу бүгүн, 15-мартта саат 17:00дө (Бишкек убактысы боюнча) түз эфирде башталары айтылып жаткан.

"Чүчү кулактын жыйынтыгын УЭФАнын директору жарыялап алып, бирок документтин сүрөтүн дароо өчүрүп койгон, ошондой болсо дагы сүрөттү сактап калууга жетишип калгандар болгон", - деп жазат чет элдик маалымат булактары.

Аталган документтин сүрөтүндө чүчү кулак төмөнкүдөй туш келген:

"Ливерпуль" – "Аякс"

"Ювентус" – "Порту"

"Манчестер Юнайтед" - "Тоттенхэм"

"Барселона" - "Манчестер Сити".

Маалымат булактары бул документ официалдуу иш-чаранын алдындагы сыноо иретинде ыргытылган чүчү кулактын жыйынтыгы болушу мүмкүн дешүүдө.