Барбиге окшошуу үчүн 15 пластикалык операция жасаткан болгариялык кыз "үйлөп койгон куурчак" деген сынга кабылды

Болгариянын 21 жаштагы тургуну Барби куурчагына окшошуу үчүн 15 пластикалык операция жасатты. Ал сырткы келбетин өзгөртүүнү былтыр баштаганын чет элдик басылмалар жазып чыгышты.

София шаарынын тургуну Андреа Иванова кичинекей чагында Барби куурчагына окшошууну кыялданган. 20 жашка чыкканда алгач оозун чоңойтуудан баштаган. Бирок оозунун көлөмү жакпай, бир нече ийне сайдырып, азыркыдай формага жеткирген. Андан кийин эмчегин чоңойткон.

"Мен канча жолу пластикалык операция жасатканымды билбейм. 15тен дагы көп болушу мүмкүн. Эч болбоду дегенде 1 айда бир жолу хирургдарга барып турам", - деген Андреа.

Ал эми социалдык тармактын колдонуучулары Андреа Иванова буга чейин татынакай болгонун, операция жасатып, ырайын бузуп алганын билдиришкен. "Мурда сулуу кыз болчусуң. Азыр кебетеңди көрүп алып башыңдын ичинде бирдеме барбы деп сурагым келип жатат. Сен үйлөп койгон куурчактай көрүнүп калыпсың" десе, айрымдары "адамдарды ушундай түрү суук кылган дарыгерлерди түрмөгө отургузуш керек!" деген билдирүүлөрүн калтырган.