Санкт-Петербургда терезе жууп жаткан Кыргыз кызы 9-кабаттан кулап кетти. Абалы оор

Орусиянын Санкт-Петербург шаарындагы Пушкин районунда жайгашкан көп кабаттуу үйлөрдүн биринин 9-кабатынан 17 жашар кыз кулап кетти. Мындай маалыматты орусиялык басылмалар жазды. Маалыматта жазылгандай, жабыркаган кыз Кыргыз өлкөсүнөн билим алганы барган студент болгон. Окуя 11-июнда орун алган.

Алдын ала айтылган маалыматтарга караганда, кыз үйдө апасы жана эжеси менен чогуу жашайт. Бирок ал терезеден кулап кеткенде үйдө эч ким болгон эмес. Дарыгерлер жабырлануучу кыздын баш-сөөгүндө жабык жаракат бар экенин айтышкан. Ошондой эле баш мээси чайкалган, көкүрөгүндөгү сөөктөр жабыркаган, оң жак акыреги, эки сан сөөгү сынып кеткен. Учурда кыз оор абалда. Анын ички органдары да жабыркаган.

Кырсык тууралуу алгач окуянын күбөлөрү аркылуу "Тез жардам" кызматына кабарланган. Алардын айтымында, кыз терезе жууп жатып, этиятсыздыктан кулап кеткен. Учурда укук коргоо кызматкерлери окуянын үстүнөн иликтөө иштерин жүргүзүп жатышканын жазат жергиликтүү басылмалар.