Кундуз Жолдубаева: "Атамбаевди соттук отурумга күч менен алып келишкен"

Бүгүн, 29-ноябрда Бишкек шаарынын Биринчи май райондук сотунда мурдагы президент Алмазбек Атамбаевдин иши каралууда. Буга чейин соттук отурумга айыпталуучу Атамбаевдин алып келингени маалым болгон.

КСДПнын атайын өкүлү Кундуз Жолдубаева Алмазбек Атамбаев соттук отурумга күч менен алып келингенин айтат.

"Алмазбек Шаршенович бүгүнкү соттук отурумга катышмак эмес. Анткени соттук отурумга чейин эле жактоочу менен байланышканымда ал Алмазбек Атамбаевге барып келерин билдирген. Алмазбек Шаршеновичти соттук отурумга күч менен алып келишти. Бул Атамбаевдин укугун бузуу болуп саналат. Анткени башында эле экс-президент бул оюндарга катышпай турганын билдирип, отурумдарга келбей жаткан. Жактоочулар, юристтер ага мыйзамдардагы дал келбестиктерди түшүндүрүшкөн. Бирок соттук отурумду экс-президенттин катышуусу жок эле баштоого болбойт болчу. Бизге күтүүсүздөн эле Алмазбек Шаршеновичти Биринчи Май райондук сотуна алынып келингени айтылды", - деди ал.