27-январга чейин өлкө аймагында туруксуз аба ырайы күтүлүүдө

21-27-январда Кыргыз Республикасынын аймагында аба ырайы туруксуз болот. Бул тууралуу Өзгөчө кырдаалдар министрлигинин басма сөз кызматынан билдиришти.

21-январда тоолуу райондордо кар жаашы күтүлөт. Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдор тайгак жана тоңголок болот.

22-январда күндүз көпчүлүк аймактарда мезгил-мезгили менен кар жаашы күтүлөт. Жолдор тайгак жана тоңголок болот.

23-январда түнкүсүн Ысык-Көл, Нарын облустарынын көпчүлүк аймактарында, Чүй, Талас, Ош, Жалал-Абад, Баткен облустарынын кээ бир райондорунда кар жаашы күтүлөт. Күндүз кээ бир тоолуу райондордо кар жаайт.

24-январда түнкүсүн жаан-чачын күтүлбөйт. Күндүз Жалал-Абад облусунун кээ бир тоолуу райондорунда жана тоо этектеринде, Чүй, Талас, Ош, Баткен облустарынын тоолуу райондорунда кар жаашы күтүлөт, Ысык-Көл, Нарын облустарында жаан-чачын болбойт.

25-январда кээ бир райондордо кар жаашы күтүлөт. Жолдор тайгак жана тоңголок болот.

26-27-январда туруксуз аба ырайы күтүлөт: 26-январда жана 27-январда түнкүсүн көпчүлүк аймактарда, 27-январда күндүз кээ бир райондордо кар жаашы күтүлөт. Абанын температурасы төмөндөйт.