Транспорт министрлиги ашуулардагы абал тууралуу маалымат берди 

Бүгүн, 12-мартка карата өлкө аймагындагы унаа жолдордо чектɵɵлɵр жок, каттамдар бар. Бул тууралуу Транспорт жана коммуникациялар министрлиги кабарлады.

Маалыматка ылайык, учурда жол тейлөө ишканаларынын кызматкерлери унаа жолдордогу карды тазалоо, тайгакка каршы инерттик материалдарды чачуу жана кар күрткүлөрүн тазалоо иштерин күнү-түнү жүргүзүп жатышат.

Министрлигик ашуу аркылуу жол жүргөн айдоочуларды жол коопсуздугун камсыздоого, ылдамдыкты сактоого чакырат.