Матраимовдордун жактоочулары "Азаттык" менен "Клооп" сайтынан сотко далил алып келүүнү сурашты

Бүгүн, 29-январда Свердлов райондук сотунда Матраимовдордун "Азаттык", "Клооп" жана "24.kg" сайттарына карата жазган арызы боюнча соттук отурум уланууда. Адегенде Матраимовдордун "24.kg" сайтына койгон моралдык чыгымынан баш тартканы боюнча жактоочу өтүнүч келтирди. Сот муну канааттандырды.

Андан кийин "Азаттыктын" өкүлдөрү эгер "24.kg" жоопкер болбой калса, соттук ишти кароону Ленин райондук сотуна өткөрүп берүү өтүнүчүн келтирди. Муну алар өздөрүнүн жайгашкан дареги менен байланыштуу экендигин түшүндүрдү. Мындан тышкары, бул ишти райондук соттун төрайымынын өзү карап жатканы ар кандай шектерди жаратарын айтышты.

Буга Матраимовдордун жактоочулары бул өтүнүч мыйзамга туура келбейт деп билдиришти. Буга чейин жоопкерлер сотту чакырып алуу боюнча бир да жолу өтүнүч келтирбегенин айтышты.

Матраимовдун өкүлү ЖМК өкүлдөрүнө кайрылып, бул соттук процессти атайлап узартуу деди жана алардан жарыялаган иликтөөсүнө далилди алып келүүнү сурашты. Сот кеңешме залына кирип кетти.