Нурсултан Назарбаевдин небереси эмес, уулумун деген Айсултан Назарбаев Улуу Британиядан саясий баш паанек сурады

Казакстандын мурунку президенти Нурсултан Назарбаевдин уулумун деген Айсултан Назарбаев өзүнүн Фейсбук баракчасына Улуу Британиядан баш паанек сураарын жазып чыкты.

"Учурда мага үй-бүлөм колдон келишинче басым кылганга аракет кылып жатышат. Ошондуктан мен маанилүү чечимге келдим. Мен Улуу Британиядан саясий баш паанек сурайм", - деп жазган Айсултан.

Ошондой эле ал билдирүүсүндө Казакстандагы коррупциялык схемалар тууралуу айтып өткөн. Апасы Дарига Назарбаева мурунку кайнатасы Кайрат Боромбаевге карата көп интригаларды уюштуруп, ошонун айынан жубайы менен ажырашып кеткенин кошумчалаган. "2017-жылы мен Нурсултан Назарбаевге баңги затына көз карандылыгымды дарылоо үчүн жардам сурап кайрылдым. Биринчи жолу Москвага барып 3 ай дарыландым. Казакстанга келгенде апам мени баңги зат колдоносуң деп опузалап баштады. Мени социалдык баракчага бийлик тууралуу эч нерсе жазба деп зордоду. Мен үчүн чындык, адилеттүүлүк маанилүү, андыктан чындыкты жаздым. Ошондон кийин ал мага Нурсултан Назарбаевди каршы колдонуп баштады", - деп жазган Айсултан Назарбаев.

Эске салсак, буга чейин Айсултан Нурсултан Назарбаев анын таятасы эмес, биологиялык атасы экенин айтып чыккан.