Алтынай Өмүрбекова: "Республикалык штаб ишкерлер үчүн насыя каникулун берүү жагын кароодо"

Республикалык штаб ишкерлер үчүн насыя жана салык каникулун берүүнү пландаштырууда. Бул тууралуу бүгүн, 17-мартта вице-премьер министр Алтынай Өмүрбекова өкмөт үйүндөгү маалымат жыйында билдирди.

Ага ылайык вице-премьер киргизилген карантинге байланыштуу соода, оюн-зоок жайларынын ишине чектөө киргенде ишкерлерге колдоо көрсөтүү маселеси дагы каралганын айтты.

“Экономикалык маселелер боюнча штаб салык жана насыя каникулун берүү жагын караштырууда. Бирок бул индивидуалдуу түрдө каралат. Эгер мекеме иштөөсүнө чектөө коюлгандардын тизмесине кирсе жана анын насыясы бар болсо, ал ишкер менен банк жекече иш алып барат. Ал эми Улуттук банк тарабынан насыя төлөмдөрү кечиктирилген маалда туум жана айып пул салбоо тууралуу чечим чыгарылган. Дагы айта кетейин салык жана насыя каникулдарын берүү боюнча ар бир ишкер менен жеке иш алып барылат”, - дейт Өмүрбекова.