Министрлик: "Менчик жалпы билим берүүчү мекемелерге окуу төлөмдөрүн азайтуу сунушталды"

Менчик жалпы билим берүүчү мекемелерине билим берүү үчүн төлөмдөрдүн баасын төмөндөтүү сунушталды. Сунуш Билим берүү жана илим министрлиги тарабынан берилгенин бүгүн, 30-апрелде министрдин орун басары Надира Жусупбекова айтты.

Айтымында, менчик билим берүү мекемелери да онлайн режимде окутууга өткөн. Мекемеде жашап, окуган окуучулар үйлөрүнө кетишкен. Буга байланыштуу мекемелерде жашоо-турмушка керектелүүчү неселер, тамак-аш, коммуналдык кызматтар үчүн төлөөгө муктаждык жок.

"Менчик жалпы билим берүүчү мекемелердин жетекчилерине тараптар менен кеңешип, окуу үчүн төлөмдөрдүн суммасын төмөндөтүүнү сунуштадык. Мындан тышкары балдары мындай мекемелерде окуп жаткан ата-энелерге да кайрылып, алардын жетекчилери менен өздөрү көтөрө ала тургандай сумманы чечишип алышын айттык. Анткени азыркы учурда бардык эле жарандар жетиштүү акча табууга жумуш токтоп турат", - деди Жусупбекова.