Илдетти жуктуруп алгандардын эң көбү Бишкекте, эң азы Таласта. Коронавирус катталгандан бери көрсөткүч кандай тездикте өзгөрүп жатат?

Кыргыз өлкөсүндө COVID-19 алгачкы жолу 18-мартта 3 бейтаптан катталган, андан бери 6-июлга карата ооругандардын саны 7 691 кишиге чейин көбөйдү.

Ооругандардын эӊ көп саны катталган күндөр:
2-июлда – 526 адам;
3-июлда – 506 адам.

Коронавирус жуктуруп алгандар эӊ көп Бишкек шаарында – 3 305 (анын ичинде Орусиядан келген аскерлердин арасынан – 100), ал эми эӊ азы Талас облусунда – 81 киши катталган.

30-мартта Жалал-Абад облустук клиникалык ооруканасынан алгачкы 3 айыккан бейтап чыгарылган. Бүгүнкү күндө адистештирилген медициналык мекемелерден 2843 адам айыгып, үйүнө чыгарылды.

2-апрелде коронавирустан алгачкы өлүм катталган, учурда – 92.

Жогорудагы маалыматты республикалык штабдан таратышты.