Бүгүн Баткенде коронавирус аныкталгандардын рекорддук көрсөткүчү катталды. Кайсы райондордон аныкталды? (тизме)

Бүгүн, 13-июлда Баткен облусунда 43 адамдан коронавирус аныкталып, облус боюнча рекорддук көрсөткүч катталды. Бул тууралуу SUPER.KG порталына облустук администрациядан билдиришти.

Маалыматка ылайык, сутка ичинде облус боюнча 43 адамдан коронавирус аныкталып, жалпы 334 адамга жетти. Сутка ичинде облус боюнча коронавирус аныкталган адамдардын ичинен:

Баткен районунда - 1;

Баткен шаарында - 7;

Кызыл-Кыя шаарында - 9;

Кадамжай районунда - 10;

Лейлек районунда - 16;

Облус боюнча изоляцияда 82, амбулатордук изоляцияда 120 жаран бар. Ал эми жалпы 56 адамдан пневмония аныкталды.

Бүгүнкү күнгө чейин Баткен облусу боюнча коронавирустан 5, пневмониядан 1 адам каза болду.