Ошко Москвадан 339 Кыргыз жараны кайтып келди

Бүгүн, 6-августта Ош шаарына Москвадан 339 Кыргыз жараны кайтып келди. Бул тууралуу Республикалык штабдан билдиришти.

Маалыматка ылайык, алар "Ош" эл аралык аэропортунда "Аэрофлот" авиакомпаниясынын Моксва-Ош багыты боюнча чартердик каттамы менен учуп келишкен.

"Бул каттам менен мекенине Орусиядан 339 Кыргыз жараны кайтып келди. Анын ичинде жаш балдар да бар. Бул рейс чет мамлекеттерден биздин жарандарды кайтаруу боюнча жүргүзүлгөн иштин алкагында Кыргыз өлкөсүнүн президентинин жана Өкмөттүн тапшырмасын аткаруу үчүн жетишилген Кыргыз өлкөсү менен Орусиянын тышкы саясый мекемелеринин макулдашууларын жүзөгө ашыруу үчүн уюштурулган.

Учакта орундуктардын саны чектелүү жана Кыргыз өлкөсүнө кайтууну каалаган жарандар көп болгондуктан, аталган каттамга жүргүнчүлөрдүн тизмеси кыргыз диаспорасынын өкүлдөрүнөн жана Кыргыз өлкөсүнүн Орусиядагы Элчилигинин кызматкерлеринен, Кыргыз өкмөтүнүн алдындагы Ички иштер министрлигинин жана Мамлекеттик миграция кызматынын өкүлдөрүнөн турган атайын Комиссия тарабынан түзүлгөн", - деп айтылат маалыматта.

Өлкөгө келе тургандарды аныктоо комиссиялык тандоо, гуманитардык критерийлер боюнча Кыргыз жарандарынын жеке арыздарынын негизинде жүргүзүлгөн. Каттамга Орусиянын ЖОЖдорунда окуган студенттер, төрөтүнүн мөөнөтү жакындап калган кош бойлуу жана жаш балалуу аялдар, буга чейин Орусияда хирургиялык операция жасаткан жана башка олуттуу медициналык процедураларды өткөргөндөр, жакын туугандарынын каза болгондугуна байланыштуу, кайтууга олуттуу себептери бар жана татаал турмуш кырдаалына туш болгон жарандар келген.