Мектеп окуучуларынын каникул күндөрү белгилүү болду

Мектеп окуучуларынын жаңы окуу жылындагы каникул күндөрү белгилүү болду. Бул тууралуу Билим берүү жана илим министрлигинин басма сөз кызматынан Акылбек Орозматов SUPER.KG порталына билдирди.

"Жалпы билим берүү мекемелеринин базистик окуу пландары тууралуу буйрукка ылайык, күзгү эс алуу күндөрү 2-ноябрдан 9-ноябрга чейин болот. Кышкы каникул 30-декабрда башталып, 11-январда соңуна чыгат. Ал эми жазгы эс алууга мектеп окуучулары 22-мартта чыгып, окуу 31-мартта уланат. Үчүнчү чейректе 1-класстын окуучулары үчүн кошумча каникул шаардык, райондук билим берүү мекемелери менен макулдашылып берилет", - деп билдирди Акылбек Орозматов.

Белгилей кетсек, коронавирус эпидемиясына байланыштуу буга чейинки окуу жылы аралыктан окутуу менен жыйынтыкталган. Жаңы окуу жылында биринчи класстар гана мектепке барып окуп жатышат, калган класстар баары аралыктан билим алууда.