БШК Аравандагы окуя боюнча эки талапкерди каттоодон алып салуу сунушун колдоду

Бүгүн, 24-сентябрда Борбордук шайлоо комиссиясынын жыйыны өтүп жатат. Анда БШКнын төрайымынын орун басары Араван районундагы мушташ боюнча аты аталган эки талапкерди каттоодон чыгарып салууну сунуштады. Алар "Мекеним Кыргызстан" партиясынан Ильхом Маннановду, "Биримдик" партиясынан Шүкүрулло Файзуллаев. Ошону менен катар эле партияларга эскертүү берүү сунушталды.

Жыйынтыгында БШКнын мүчөлөрүн каттоодон алып салуу сунушун колдоду. Ал эми эки партияга эскертүү берүү сунушу колдоо тапкан жок.

Эске салсак, Ош облусунун Араван районунда үгүт иштери жүрүп жаткан убакта чогулган элдин арасында мушташ чыкканы маалымдалган. Анда 20-сентябрь күнү саат 19:15 чамасында белгисиз жаран Араван РИИБинин нөөмөт бөлүмүнө Араван айылында белгисиз адамдар урушуп жаткандыгын кабарлаган. Жыйынтыгында аталган факты каттоого алынып, сотко чейинки өндүрүш иши башталган.