Митингден жаракат алып, ооруканага түшкөн жарандар тууралуу Саламаттыкты сактоо министрлиги маалымат таратты

Митингден жаракат алып, ооруканага түшкөн жарандар тууралуу Саламаттыкты сактоо министрлигинен маалымат таратышты.

"Ыкчам маалыматтарга ылайык, саат 22:00дө Бишкек шаардык
Травматология жана ортопедия илим изилдөө борборуна ар кандай жаракаттарды алган 4 жабырлануучу келип түшкөн. Жаракат алган 10 адам "Тез жардам" кызматы аркылуу Саламаттыкты сактоо министрлигинин алдындагы Улуттук госпиталга жаткырылды. №1 шаардык ооруканага 2 адам жеткирилди.

Кошумча маалымат берилет", - дешти министрликтин басма сөз кызматынан.

Бүгүн, 5-октябрда шайлоонун жыйынтыгына наарызы болгон тараптар аянтта митинг уюштурушту.