1-6-класстын окуучулары дистанциялык окутуу формасына кайтат

1-6-класстын окуучулары дистанциялык окутуу формасына кайтат. Бул тууралуу Билим берүү жана илим министрлигинин басма сөз кызматынан кабарлашты.

Маалыматка ылайык, бүгүн, 6-октябрдан баштап 1-6-класстын окуучуларынын коопсуздугу үчүн дистанциялык окутуу формасына кайтуу чечими кабыл алынды. Билим берүү бөлүмдөрүнө жана башкармалыктарына дистанциялык окутуу процессин уюштурууну көзөмөлгө алуу тапшырмасы берилди. Ошондой эле ведомство мектептер-интернаттарды, балдар үйлөрүн аймактык ички иштер кызматкерлери менен биргеликте көзөмөлгө алуу милдеттендирди. Ал эми окутуу процессин калыбына келтирүү маселеси өлкөдө стабилдүүлүк орногон соң каралмакчы.

Буга чейин, 6-октябрдан баштап өлкөдөгү 2-6-класстын окуучулары мектепте окуй ала тургандыгы айтылган.