Айдана Дека: "Атам таштап кеткенде катуу стресс болгом"

Ырчы Айдана Дека "Жашоосундагы мырзалар" рубрикабыздын кезектеги коногу болду. Ал баккан атасы жана өз атасы жөнүндө ачык айтып, жакынкы күндөрү көп жылдан бери көрө элек атасы менен кездешип калганын айтат. Андан сырткары агасы, иниси туурасында кенен маек курдук.

"Мен Инстаграм баракчасын чыгармачылыгым үчүн гана колдонуп жүрчүмүн. Бирок жакында бир сырды ачтым. Ата-энем 7 жашымда ажырашып кеткен. Көптөгөн ызы-чууларды көргөм, ал эми сыр деле эмес. Мен атамды абдан жакшы көрчүмүн. Бирок атам менен апам ажырашканда мага катуу тийген. Ал эми азыркы атам 10 жашымдан бери менин жанымда. Ал абдан жакшы адам. Акылдуу, сабырдуу. Менин ийгиликтүү болушума ошол адамдын салымы чоң.

Ал эми убагында өз атама таарынгам. Атам менен мен тойдо жолуктум. Ал дагы чыгармачыл адам. Мен ал адам менен мындан ары катташпайм, анткени менин атам бар. Мени жарык дүйнөгө алып келгени үчүн ыраазымын, ага бактылуу жашоо каалайм", - дейт Айдана Дека.

Ырчы менен болгон маекти толугу менен видеодон көрүңүз.