Орусияда кыз менен жосунсуз сүрөткө түшкөн тажик блогери. Ал бир жылга соттолушу мүмкүн

Буга чейин Орусия полициясы тарабынан Москвадагы Василий Блаженский чиркөөсүнүн астынан сүйлөшкөн кызы менен адепке ылайык келбеген сүрөттөргө түшкөн тажикстандык Руслан Бобиев аттуу блогердин кармалганы айтылган. Ал динге ишенгендерди кемсинткени үчүн жоопко тартылды. Бул тууралуу орусиялык маалымат каражаттары жазып чыгышты.

Ага ылайык, блогер 30-сентябрда камакка алынган. Ал эми Москва соту Руслан Бобиевдин ишин 28-октябрда карайт.

Алдын ала маалыматтарга караганда, ал бир жылга эркинен ажыратылышы мүмкүн.

Белгилей кетсек, блогер полиция кызматы тарабынан кармалып, жасаган жоругу үчүн кечирим сураган.