Бишкекте энесин жана 2 баласын өлтүргөн окуя: Шектүү УКМКнын 9-кызматында эмгектенген

Бишкек шаарында 3 адамдын өлүмүнө шектүү жаран УКМКнын 9-кызматында эмгектенген. Бул туурасында атайын кызматтын маалыматында айтылат.

Маалымдалгандай, Ч.А. 2006-жылы Мамлекеттик күзөт кызматына кабыл алынган. Ал эми 2010-жылы аталган кызмат жоюлуп, түзүмдүк бөлүм катары УКМКга киргизилген. 2021-жылы эмгек стажына байланыштуу пенсияга чыгып, УКМКнын 9-кызматынан бошотулган. Шектүү жетекчилик кызматтарда да иштеген. Аскердик наамы - майор.

Мындан сырткары 2021-жылы Жогорку Кеңешке шайлоодо Баткен окуругунан депутаттыкка талапкер болгон.

Эскерте кетсек, 16-февралда Бишкек шаарында аял 15 жаштагы өспүрүм жана 5 жаштардагы бала киши колдуу каза болгон. Кылмышка шектүү катары кармалган жаран 1986-жылы туулган Ч.А. аттуу Баткен облусунун Кадамжай районунун тургуну. Ал кармаш уруш боюнча спорттун чебери.

Учурда тергөө амалдары жүрүп жатат.