Салык кызматы ишкерлерге акысыз контролдук-кассалык машиналарды бере баштады

Салык кызматы салык төлөөчүлөргө контролдук-кассалык машиналарды акысыз бере баштады. 32 миң даана ККМ этап-этабы менен берилет. Бул тууралуу бүгүн, 29-майда Салык кызматынан билдиришти.

Маалымдалгандай, ККМди акысыз берүү аларды ар кандай себептер менен өз алдынча сатып ала албаган, анын ичинде базарларда, кичи базарларда иштеген жана патенттик системадан салык салуунун башка түрлөрүнө өтүп жаткан ишкерлерге колдоо көрсөтүү максатында ишке ашырылат.

"ККМ алуу үчүн салык төлөөчү экономикалык иш жүргүзгөн жери боюнча аймактык салык органына арыз бериши керек", - деп айтылат маалыматта.