Бишкекте 8 автобус каттамы убактылуу өзгөртүлөт

Бишкек шаарында Жибек-Жолу проспектинин Будённый көчөсүнөн Курманжан Датка көчөсүнө чейинки бөлүгү 22-февралда саат 18:00дөн 23-февраль саат 06:00гө чейин жабылат.

Мэриядан бул убакыт аралыгында жер үстүндөгү жөө адамдар өтүүчү өтмөктүн темир конструкцияларын орнотуу иштери жүргүзүлөрүн маалымдады.

Буга байланыштуу 8 автобустук каттамдын: №71, №21, №2, №36, №40, №48, №48, №118, №254 кыймыл-чиймеси убактылуу өзгөртүлөт.