"Ак шумкарлардын" тарыхый жеңиши Жогорку Кеңеште айтылды (видео)

Жогорку Кеңештин депутаты Айбек Маткеримов футбол боюнча Кыргыз улуттук курама команданы тарыхый жеңиши менен куттуктады.

Жогорку Кеңештин бүгүн, 12-июндагы жыйынында эл өкүлү футболдун мындай деңгээлге чыгышына өлкө жетекчилеринин салымы чоң экенин баса белгиледи.

"Баарыңыздарга белгилүү болгондой кечээ биздин футбол боюнча улуттук курама команда дүйнөлүк биринчиликке жолдомо алды. Бул биз үчүн эң чоң кубаныч, бул тарыхта биринчи жолу болуп жатат. Мен муну менен эмнени айткым келип жатат. Ошол футболдун ушундай деңгээлге чыгышына, өлкө жетекчилеринин саясатына, кошкон салымына ыраазычылык билдирем.

Ошондой эле бизде Орто Азиядагы эң чоң стадион курулганы жатат. Бул ишке дагы ийгилик каалайм. Бардыгыңыздарды жеңишиңиздер менен куттуктайм!" - деди ал.

Кечээ, 11-июнда футбол боюнча Кыргыз улуттук курама командасы Маскат шаарында Оман курамасы менен кез келип, 1:1 эсебинде тең чыккан. Мындай жыйынтык менен "Ак шумкарлар" Дүйнө чемпиондугуна тандоонун акыркы туруна чыгып, ошону менен бирге Азия Кубогуна жолдомо уткан.