Ырчы Амирчик Германиядагы жеке концертинде Кыргызстандын желеги менен чыкты (видео)

Кыргызстандык ырчы Амирхан Батабаев (Амирчик) Германиянын шаарларында өзүнүн жеке концертин тартуулап жүрөт.

Ал бул тууралуу видеолорду социалдык баракчасында бөлүшкөн.

Видеодо концерт учурунда Кыргызстандын желегин жамынып ырдап жатканын көрүүгө болот.

“Бад-Мергентхайм, жылуу кабыл алганыңар үчүн рахмат! Мен сапарымды улайм. Кайсы шаар мени күтүп жатасыңар?” - деп билдирүү калтырган ал өз баракчасына.

Белгилей кетсек, ырчы Амирчик 2003-жылы 23-октябрда Бишкек шаарына жакын айылдардын биринде жарык дүйнөгө келген.

Жаш болгонуна карабай ийгилик жараткан ырчы ТикТок социалдык баракчасынан миллиондогон катталуучу топтой алган. Ошондой эле Орусиядан баштап, Азия, Малайзия жана Сингапурга чейин өз күйөрмандарын чогулта алган.