Эл артисти Эгемберди Бекболиев Кыргыз драма театрына көркөм жетекчи болду

Кыргыз Республикасынын Эл артисти Эгемберди Бекболиев Токтоболот Абдумомунов атындагы Кыргыз улуттук академиялык драма театрынын көркөм жетекчиси кызмат ордуна эмгек келишимдин негизинде дайындалды. Бул тууралуу кечээ, 26-июнда Маданият, маалымат, спорт жана жаштар саясаты министрлигинен билдиришти.

Ал 1955-жылы 20-майда, Чүй облусунун, Панфилов районуна караштуу Букара айылында туулган.

1989-1994-жылдары Бүбүсара Бейшеналиева атындагы Кыргыз мамлекеттик искусство институтун – театр жана кино артисти адистигин бүтүргөн.

1976-жылдан тартып бүгүнкү күнгө чейин Кыргыз улуттук академиялык драма театрында – артист, сахнанын жетектөөчү мастери болуп эмгектенип келген.