Жалал-Абадда 22 жаштагы Ырыскелди дайынсыз жоголду

Кара-Көл шаарында 22 жаштагы Ырыскелди Салымбаев дайынсыз болуп, изделип жатат. Бул тууралуу облустук милиция кабарлады.

Маалыматка таянсак, ал 18-майда Кара-Көл шаарынын Акынай көчөсүндөгү үйүнөн чыгып кеткен бойдон кайтып барган эмес.

Өзгөчө белгилери:

Бою 165-170 сантиметр, кашы, көзү, чачы кара, кара-тору, арык дене түзүлүштө.

Кийген кийимдери:

Кара түстөгү футболка, кара түстөгү спорттук шым, кара түстөгү кроссовка.

Милиция Салымбаев Ырыскелди Медербекович тууралуу кандайдыр бир маалымат болсо, төмөнкү номерлерге 102, (03746) 5-12-00, 0708 39 01 39 кабарлап коюуну суранат.