Супер-Инфо
super.kg видео
Өзгөчө кырдаалдар министрлиги Бишкектин жанындагы жер титирөө боюнча маалымат таратты
Чүй облусунун аймагында катталган жер титирөө Кант менен Бишкек шаарларында 3 баллга чейин сезилди. Бул тууралуу Өзгөчө кырдаалдар министрлигинен билдиришти.
Сейсмология институтунун такталган маалыматына ылайык, саат 15:18де очогунда 3,5 магнитудасына жеткен жер титирөө катталган.
Жер титирөө Чүй облусунун Ысык-Ата районунун Нурманбет, Интернационал айылдарында 3,5 балл, Кант жана Бишкек шаарларында 3 баллга чейин сезилген.
"Жер титирөөнүн очогу Нурманбет айылынан 3 чакырым батышта, Интернационал айылынан 5 чакырым түндүк чыгышта, Кант шаарынан 13 чакырым түштүк чыгышта, Бишкек шаарынан 32 чакырым түштүк чыгышта жайгашкан.
Учурда тактоо иштери жүргүзүлүүдө. Алдын ала маалымат боюнча, жабыркагандар жана кыйроолор катталган жок", - деп билдиришти министрликтен.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
13:53
2025-06-27
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.