Эртең Абдрахманов көчөсүнүн эки кесилиши жабылат

Бишкектеги Жусуп Абдрахманов көчөсүндө эки кесилиш жабылат. Бул тууралуу бүгүн, 9-июль күнү Бишкек шаардык мэриясынан билдиришти.

Ага ылайык, 10-июлдан тарта аталган көчөнүн Жоомарт Бөкөнбаев жана Москва көчөлөрү менен кесилиши капиталдык оңдоого байланыштуу унаа кыймылы үчүн жабылат.

"Кесилиштерге асфальт басуу аяктагандан кийин Жусуп Абдрахманов көчөсүн Москва көчөсүнө чейин ачуу мерчемделүүдө.

Жолго асфальт басуу жумуштары аба ырайына байланыштуу кечеңдеши мүмкүн. Мындай жагдайда график өзгөрөт", - деп жазылат анда.

Ошондой эле эртең Байтик баатыр көчөсүнүн Медеров көчөсүнөн Кулатов көчөсүнө чейинки бөлүгү ачылары кабарланат.