Өлкө боюнча 85 тонна кара куурай жок кылынды

Июль айында республика боюнча жалпысынан 85 тоннадан ашык кара куурай орулуп, өрттөлдү. Бул тууралуу Ички иштер министрлигинен билдирди.

Маалыматка ылайык, “Кара куурай” аталышындагы иш-чаранын жүрүшүндө, өлкө аймагында жапайы өскөн кара куурайды жок кылуу максатында, жергиликтүү өзүн-өзү башкаруу органдарынын кызматкерлери менен биргеликте 903 адамдан турган 90 бригада түзүлгөн.

Алардын ичинен Бишкек шаары боюнча 3 гектар жерден 3 тонна, Чүй облусу боюнча 10 гектар жерден 27 тонна, Ысык-Көл жана Нарын облустары боюнча 27 гектар жерден 17 тоннадан ашуун, Талас облусу боюнча 2,5 гектар жерден 1 тонна 800 килограмм, Жалал-Абад облусу боюнча 100 гектар жерден 9 тоннадан ашуун, Ош облусу боюнча 6,5 гектар жерден 6 тонна, Баткен облусу боюнча 22,5 гектар жерден 7 тонна 400 килограмм кара куурай орулуп, өрттөлгөн.