16-июлга карата аба ырайы

16-июлда өлкөнүн көпчүлүк аймактарында жаан жаайт. Бул тууралуу Кыргызгидромет кызматынан билдиришти.

Маалыматка ылайык, түнкүсүн Жалал-Абад облусунун көпчүлүк аймагында, Чүй, Нарын облустарынын айрым жерлеринде жаан жаайт. Күндүз кээ бир райондордо жаан-чачын нөшөрлөп жаашы мүмкүн.

Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетет.

Абанын температурасы:

Чүй өрөөнүндө түнкүсүн +14…+19, күндүз +26…+31,

Талас облусунда түнкүсүн +13…+18, күндүз +25…+30,

Баткен, Ош, Жалал-Абад аймактарында түнкүсүн +14…+19, күндүз +29…+34,

Ысык-Көл жергесинде түнкүсүн +12…+17, күндүз +21…+26,

Нарын облусунда түнкүсүн +7…+12, күндүз +22…+27.

Бишкекте түнкүсүн жаан-чачын жаабайт, күндүз өткүн өтүшү күтүлөт. Абанын температурасы түнкүсүн +16…+18, күндүз +28…+30 градус болот.