7-октябрда Бишкектин бир бөлүгүндө суу болбойт 

Бишкекте суу каналдары оңдолуп жатканына байланыштуу 7-октябрда таза суу өчүрүлөт. Бул тууралуу калаа мэриясы кабарлады.

Маалыматка ылайык, аталган датада саат 9:00дөн 21:00гө чейин турак жайларга, мектептерге, мектепке чейинки балдар мекемелерине, саламаттыкты сактоо мекемелерине жана башка социалдык жана өндүрүштүк объектилерге таза суу берүү токтотулат.

Суу өчө турган аймактар:

- Михаил Фрунзе көчөсү;

- Манас проспектиси;

- Жибек Жолу проспектиси;

- Турусбеков көчөсү;

- Баялинов көчөсү;

- Абдрахманов көчөсү.