Эльвира Сурабалдиева башталгыч класстын окуучуларын биринчи нөөмөткө которууну сунуштады 

Кечээ, 8-сентябрда Жогорку Кеңештин Бюджет, экономикалык жана фискалдык саясат боюнча комитетинин жыйынында депутат Эльвира Сурабалдиева башталгыч класстын окуучуларын биринчи нөөмөткө которуу керектигин айтты.

Ал мындай өтүнүч ата-энелер тарабынан болуп жатканын айтты. Эл өкүлү белгилегендей, Бишкекте экинчи нөөмөттөгү башталгыч класстын окуучулары үйлөрүнө караңгы киргенде кайтып калып жатышат.

"5-6-класстан жогоркуларды экинчи нөөмөткө которуп, андан ылдыйкы класстын окуучуларын эртең менен окууга баргыдай кылсак", - деди ал.