Алайдын жайлоосунда 170тен ашуун боз үй тигилип, улуттук оюндар өтүүдө (видео)

Ош облусунун Алай районунун Калама жайлоосунда Алымбек датканын 225 жылдык мааракесине арналган иш-чаралар башталып, этно-шаарча түптөлдү. Ал жерге 170тен ашуун боз үй тигилип, улуттук оюндардын тандоо турлары кызуу жүрүп жаткандыгын облус жетекчилигинен билдиришти.

Иш-чараларга президенттин облустагы ыйгарым укуктуу өкүлү Элчибек Жантаев барып катышты.

Жайлоодо ордо, тогуз коргоол”, алыш бел боо күрөшү жана Салбуурун оюндары өтүп жатат. Бүгүн, 12-сентябрда финалдык беттештер орун алат. Улуттук оюндарга катышуу үчүн 7 облустун мыктылары барышты.