АКШ Венесуэланын жаңы бийлигин тааныды

АКШнын президенти Дональд Трамп ишемби күнү Вашингтон Венесуэланын азыркы өкмөтүн өлкөнүн мыйзамдуу бийлиги деп эсептей турганын жарыялады.

"Ушул аптада биз Венесуэла өкмөтүн расмий түрдө, мыйзамдуу түрдө тааныганыбызды жарыялоого кубанычтамын", - деди Трамп Флоридада Латын Америкасынын бир нече лидерлери менен болгон жолугушууда.

Венесуэланын убактылуу президенти Делси Родригес Трампка бул чечими үчүн ыраазычылык билдирип, АКШ менен кызматташууга даяр экенин белгиледи.

"Биз АКШ менен өз ара ишенимге, теңдикке жана эл аралык укукту урматтоого негизделген узак мөөнөттүү мамилелерди курууга болгон милдеттенмебизди кайталайбыз", - деп жазды Родригес X социалдык тармагында.