Иран АКШнын аскердик базаларына сокку урганын билдирди

Иран акыркы соккулардын толкунунда Бириккен Араб Эмираттары жана Бахрейн аймагындагы америкалык аскердик базаларга чабуул жасаганын билдирди. Бул тууралуу Ислам революциясынын сакчылар корпусу маалымдагандыгын чет элдик басылмалар жазышты.

Маалыматка ылайык, Аль-Дафра авиабазасы жана Жуффейр аскер базасы аймагындагы америкалык аскерлер топтолгон жерлер ракеталар жана сокку уруучу дрондор менен аткыланган.

Ошондой эле Иран күчтөрү Израилдеги Рамат-Давид авиабазасына, Хайфа шаарындагы аэропортко жана Бней-Брак аймагындагы ракеталык учуруучу жайларга сокку урганын билдиришти.