Иран макулдашуу шарттарын атады

Иран АКШ жана Израил менен болгон жаңжалда ок атышууну токтотуу маселесин алар тараптан кайрадан кол салуу болбой турганына так кепилдик берилген учурда гана карай турганын билдирди. Бул тууралуу ирандык саясий булак "РИА Новости" агенттигине маалымдаган.

Анын айтымында, Тегеран үчүн негизги шарт — Иранга каршы согуш коркунучу толук жоюлуп, келечекте мындай чабуулдар кайталанбай турганына реалдуу кепилдиктер болушу керек.

Булак белгилегендей, акыркы жылдары кырдаал бир нече жолу кайталанып келет: адегенде АКШ сүйлөшүүлөрдү сунуштайт, андан кийин чабуул жасалат, кийин кайрадан тынчтык же убактылуу тыныгуу тууралуу сөз башталат.

Анын пикиринде, мындай сценарий “жабык айлампага” айланып, Ирандын да, бүтүндөй аймактын да коопсуздугун камсыздай албай жатат.