Өлкөнүн түндүк тарабында балдардын төрөлүшү кескин азайды (видео)

Кыргызстанда балдардын төрөлүү саны кыскарды. Бул тууралуу бүгүн, 13-мартта Жогорку Кеңештин "Ишеним" жана "Ала-Тоо" депутаттык топторунун биргелешкен жыйынында белгилүү болду.

Жыйында депутат Жумабек Салымбеков өткөн жылдын 1-декабрына карата республиканын калкынын саны 7 миллион 338 миң адамды түзгөнүн белгилеп, калктын өсүү темпи тууралуу суроо салды.

"Негизи өлкөдө 2025-жылга чейин жылына 150 миңге жакын төрөт болчу. Учурда төрөттүн саны жылдан-жылга 20-30 миңге азаюуда. Буга көп себептер бар, жаштардын көбү материалдык жагын жакшыртып, анан балалуу болууну пландашууда. Аймактар боюнча карасак, түштүк тарапта төрөттүн саны азайган жок, ал эми түндүк тарапта кескин азайган.

Өткөн жылы 137 миң 982 төрөт катталган. Бул 2024-жылга салыштырмалуу 2 миңге аз",- деди Саламаттык сактоо министрлигинин өкүлү.