Жети-Өгүздө 34 миллион сомдук жер тилкеси мамлекетке кайтарылды

Ысык-Көл облусунун Жети-Өгүз районунда 34 миллион сомдук жер тилкеси мамлекетке кайтарылды. Бул тууралуу 13-мартта Башкы прокуратурадан билдиришти.

Маалыматка ылайык, Барскоон айыл өкмөтүндө жалпы 0,20 гектар айыл чарба багытындагы жер тилкеси мыйзам бузуу менен жеке жактардын менчигине өтүп кеткендиги жана аталган айыл чарба багытындагы жер тилкесине мыйзамсыз курулуш курулгандыгы аныкталган.

Текшерүүнүн натыйжасында баасы 34 миллион 56 миң 846 сомду түзгөн жер тилке имараты менен бирге мамлекетке кайтарылды.