Жакынкы Чыгыш өлкөлөрүнөн кыргызстандыктарды алып келүү иштери уланууда

Кувейт, Бахрейн жана Катар мамлекеттеринен Кыргыз жарандарын мекенине кайтаруу боюнча кезектеги атайын эвакуациялык авиакаттам уюштуруу иштери жүргүзүлдү. Бул тууралуу Тышкы иштер министрлиги билдирди.

Маалым болгондой, эвакуациянын биринчи этабында, жарандардын тизмеси түзүлүп, виза жана өлкө аймагынан чыгуу үчүн уруксаттар алынган. 13-мартта жарандар Эль-Кувейт, Манама жана Доха шаарларынан автобустар менен Эр-Рияд шаарына багыт алды.

Министрлик эвакуация процесси аяктап, жарандар мекенине кайтып келгенден кийин кошумча маалымат берерин билдирди.