Жогорку Кеңешке Курманкул Зулушевдин ордуна ким келет?

Кечээ, 13-мартта эл өкүлү Курманкул Зулушев мандатын тапшырып, Жогорку Кеңеште анын орду бошоду.

Анын мандаты парламенттик шайлоодо №10 округдан 3-орунга чыккан Улугбек Ормоновго тийиши мүмкүн. Аталган шайлоо округунда Зулушев 14 миң 688 добуш алып шайланган.

Ал эми Сүйүнбек Омурзаков 6300 добуш менен экинчиде, ал эми үчүнчү орунду 5923 добуш менен Ормонов алган.

Айта кетсек, Ормонов Жогорку Кеңештин III, IV, VI, VII чакырылышна депутат болуп төрт жолу шайланып келген.