Ысык-Көлдө суудагы "Формула-1" мелдешин өткөрүү мүмкүнчүлүгү талкууланды

Ысык-Көлдө суудагы "Формула-1" мелдешин өткөрүү мүмкүнчүлүгү талкууланды. Бул тууралуу президенттин басма сөз кызматы билдирди.

Бүгүн, 14-мартта өлкө башчысы Садыр Жапаров Эл аралык суу-мотор спорту уюмунун президенти Раффаэле Чиулли менен жолугушту.

Маалым болгондой, жолугушууда Кыргызстанда суу-мотор спорту боюнча эл аралык мелдештерди өткөрүү жана кызматташууну өнүктүрүү маселеси талкууланды.

Өз кезегинде Раффаэле Чиулли F1H2O дүйнө чемпиондугу сыяктуу мелдештер дүйнөнүн көп өлкөлөрүндө өтүп, жүздөгөн, миллиондогон көрүүчүлөрдү камтый турганын айтты.

Тараптар Борбор Азияда биринчи жолу өткөрүлүшү мүмкүн болгон F1H2O суудагы "Формула-1" Дүйнө кубогу Ысык-Көлдүн туристтик мүмкүнчүлүгүн кеңири көрсөтөрүнө ишеним билдиришти.