Кыргыз-Того өлкөлөрүнүн кызматташтыгы талкууланды

Тышкы иштер министринин орун басары Кайрат Турсункулов Того Республикасынын тышкы иштер, кызматташтык, африкалык интеграция жана чет өлкөдөгү тоголездер иштери боюнча министринин орун басары Яколей Кокоу Джонсон менен телефон аркылуу сүйлөштү.

Бул тууралуу министрликтин басма сөз кызматы кабарлап, сүйлөшүү 23-мартта орун алганын белгиледи.

Анын жүрүшүндө тараптар эки тараптуу кызматташууну өнүктүрүү маселелерин, ошондой эле жогорку деңгээлдеги эки тараптуу сапарларды уюштуруу боюнча пландарды талкуулашты.